Dia 7, Part I: Digital Quotient (DQ)

Tarea: Digital Empathy

Scoge un di e siguiente actividadnan pa haci cu bo klas:

​

1. Storytelling: Conta bo alumnonan/ studiantenan un storia tocante un mucha cu sea a bira victima di otro persona cu a ‘bully’ y/of ‘troll’ nan, of cu a ‘bully’ y ‘troll’ otro. Den e storia por trata tambe kico e consecuencianan den e caso aki por ta. Na final di e storia por haci pregunta di reflexion.

2. Rollenspel: Pa muchanan den kleuter of 1ste klas por conta nan un casus den forma di un storia. Despues ta pone musica pa e alumnonan baila y dramatisa con nan lo sinti si nan ta e personahe. P.e. baila tristo manera e personahe den e storia. Of, baila manera bo lo baila ora bo ta contento (si e personahe den e storia ta contento).
   Un otro alternativa ta pa laga un of dos mucha bin dilanti y dramatisa un emocion den forma di baile. E resto di klas tin cu bisa ki emocion nan a caba di mira.
   E alternativa aki ta apto pa muchanan/studiantenan un poco mas grandi. Por laga e alumnonan/studiantenan dramatisa un casus unda tabatin falta di 'digital empathy'. Tambe por laganan dramatisa e otro banda di e mesun casus. Kico lo a pasa si tabatin 'digital empathy'?

3. Positive posting: Esaki ta un actividad pa conscientisa otro tocante e poder y efecto di duna 'compliment'.  Por laga e studiantenan/ alumnonan sea plak un papel blanco riba nan lomba of bin cu un t-shirt blanco bieu cu por skirbi riba dje. E alumnonan/ studiantenan por pinta of skirbi algo positivo riba e papel of e t-shirt. Un alternativa ta pa duna cada alumno/ studiante carton chikito/ post-its, y laga nan skirbi/ pinta un 'compliment' pa cada un persona den nan klas.

4. Positive mantra: Crea un mantra positivo pa (si ta den kleuter y 1ste klas) of cu (si bo ta docente den 2de klas scol basico bay ariba) bo klas pa conscientisa e alumnonan/ studiantenan tocante nan 'Digital Empathy'. Por traha un poster tocante e mantra y plak esaki den klas.