• CDPC

Con bo por crea bo mesun video

Updated: Apr 1







Crea bo mesun video


Screencast-O-Matic Tutorial: https://www.loom.com/share/44fc2e68b578417eb5a51a0a6b3c5896


Screecast-O-Matic ta wordo uza pa graba bo screen, bo mes, of tur dos.


Con asina bo no por uza Screencast-O-Matic pa bo les?

  • Pa graba un PowerPoint, of cualkier otro presentacion ariba bo computer, haci lo siguiente:

  • Bay na bo presentacion

  • Haci mane bo ta bay presenta (pone full screen)

  • Bay na e website akiriba di Screencast-O-Matic

  • Sigui e instruccionnan pa habri Screencast-O-Matic

  • Den e skina abao banda links bo ta haya e opcionnan pa cuminsa graba cu Screencast-O-Matic

  • Ora bo ta cla pa cuminsa graba, press e symbolo di ‘record’ y bo lo mira un ‘countdown’

  • Ora e yega na 0, bo ta cla pa cuminsa graba bo presentacion cu audio (locual bo papia tambe ta wordo graba door di Screencas-O-Matic)

  • Bay door di bo slides of presentacion, splicando locua bo kier splica

  • Pa haci esaki bay mas facil, bo por traha un ‘script’ tambe di bo presentacion caminda bo ta scirbi locual bo kier papia over di dje pa ora bo bay papia e ta bay mas lihe

  • Bo por graba bo mes tambe splicando y mustrando, por ehempel, letters, cu e opcion di graba bo mes so

  • Den e geval aki, bo lo wak bo mes ariba e screen paso e ta grabando locual bo camara ta captando

  • Si bo kier duna bo studiantenan un gevoel cu bo ta presente cu nan durante cu bo ta graba bo presentacion, bo por uza e opcion di graba bo screen y bo mes pareu

  • Bo studiantenan lo mira abo tambe den un hoki chikito

  • Bo mes por dicidi unda bo ta pone e hokki aki door di klik y wanta ariba dje y mov’e rond

  • E version gratis di Screencast-O-Matic ta laga bo graba te cu 15 minuut di video continuamente

  • Bo por graba cuanto video cu bo kier cu e free version

  • Esaki por ta bon si bo kier ‘chunk’ of haci informacion mas cortico y enfoca mas profundo den un topico pa bo studiantenan no mester concentra demasiado largo ariba e video

  • Estudionan ta demostra cu e largura optimal di un video di instruccion ta 6 minuut; te cu 6 minuut, studiantenan ta mas ‘engaged’ den e video y ta poniendo mas atencion




Loom: https://www.loom.com/


Loom tutorial: https://www.youtube.com/watch?v=11pfvBNsXkA

  • Loom ta un ‘extension’ di Google Chrome

  • Bo por wak’e ariba den e ‘toolbar’ di Google Chrome manera un flor corra

  • Pa cuminsa graba cu Loom, klik ariba e ‘flor’ aki

  • E ta habri Loom

  • Loom tambe ta ofrece e opcionnan di graba bo screen, bo mes so, of tur dos

  • Loom tambe ta duna bo countdown pa despues bo por cuminsa graba

  • Cu Loom bo no tin limite ariba con largo bo video ta, y bo por graba te cu 25 videos cu e free version

  • Durante e Covid-19 crisis, Loom ta ofreciendo su Premium features tambe free

  • Bo por uza Loom tambe pa tur e opcionnan cu mi a menciona como ehempel pa Screencast-O-Matic



Smartphone recording

  • Un manera facil pa graba video ta door di uza bo mesun smartphone

  • Bo por uza un tripod pa tene e smartphone of cualkier otro manera pa e por para riba su mes

Ehempel cu Samsung Galaxy S9

  • Bay na e camera icon di bo smartphone

  • Bay na video

  • Primi e ‘selfie’ button pa bira e camera y graba bo mes door di primi e boton di ‘record’

  • Of si bo kier graba locual tin bo dilanti, primi e boton di ‘record’

  • Despues cu bo graba, primi na banda links di e boton di ‘record’ pa bay na e video cu bo a graba pa check e

  • Si bo ta contento cu’ne, primi abao ariba e simbolo di ‘share’

  • Bo lo haya varios opcion con pa share e video

1 view

©2020 by ipacdpc. Proudly created with Wix.com